Poetry from Zindagi Naa Milegi Dobaara

Some things never fail to inspire. Good poetry & good movies are some of them. Awesome poetry by Javed Akhtar from the Movie ‘Zindagi Naa Milegi Dobara’

Jab jab dard ka baadal chaya
Jab ghum ka saya lehraya
Jab aansoo palkon tak aya
Jab yeh tanha dil ghabraya
Humne dil ko yeh samjhaya
Dil aakhir tu kyun rota hai
Duniya mein yunhi hota hai
Yeh jo gehre sannate hain
Waqt ne sabko hi baante hain
Thoda ghum hai sabka qissa
Thodi dhoop hai sabka hissa
Aankh teri bekaar hi nam hai
Har pal ek naya mausam hai
Kyun tu aise pal khota hai
Dil aakhir tu kyun rota hai…


 


Ik baat honton tak hai jo aayi nahin
Bas ankhon say hai jhaankti
Tumse kabhi, mujhse kabhi
Kuch lafz hain woh maangti
Jinko pehanke honton tak aa jaaye woh
Aawaaz ki baahon mein baahein daalke ithlaye woh
Lekin jo yeh ik baat hai
Ahsas hi ahsas hai
Khushboo si hai jaise hawa mein tairti
Khushboo jo be-aawaaz hai
Jiska pata tumko bhi hai
Jiski khabar mujhko bhi hai
Duniya se bhi chupta nahin
Yeh jaane kaisa raaz hai…


 


Pighle neelam sa behta ye sama,
Neeli neeli si khamoshiyan,
Na kahin hai zameen
Na kahin aasmaan,
Sarsaraati hui tehniyaan pattiyaan,
Keh raheen hai bas ek tum ho yahan,
Bas main hoon,
Meri saansein hain aur meri dhadkanein,
Aisi gehraiyaan, aisi tanhaiyaan,
Aur main…Sirf main.
Apne hone par mujhko yakeen aa gaya.


 


Dilon mein tum apni
Betaabiyan leke chal rahe ho
Toh zinda ho tum
Nazar mein khwabon ki
Bijliyan leke chal rahe ho
Toh zinda ho tum
Hawa ke jhokon ke jaise
Aazad rehno sikho
Tum ek dariya ke jaise
Lehron mein behna sikho
Har ek lamhe se tum milo
Khole apni bhaayein
Har ek pal ek naya samha
Dekhen yeh nigahaein
Jo apni aankhon mein
Hairaniyan leke chal rahe ho
Toh zinda ho tum
Dilon mein tum apni
Betaabiyan leke chal rahe ho
Toh zinda ho tum

 

What can I say… Just awesome !

19 thoughts on “Poetry from Zindagi Naa Milegi Dobaara

  1. Dear Arunima,

    U r such angel to have penned the words.

    Since the morning today I have been struggling to get them.

    My efforts to get them from U Tube were so sluggish & tiring….

    Thanks a million :) !!

  2. i like these all poetries of akhtar. and also like farhan akhtar’s acting and voice of poetry in zindagi millegi na dobara.

  3. Shor hai aawaz hai gunjta yeh sama hai,
    dil hai dhadkanen hai, inse zinda yeh jaha hai,
    ittefak se mulakat ho gayi unse,
    jinko dukh hai na dard hai fir bhi woh insaan hai! :)
    Thank u 4 ur efforts

  4. its for my only love..
    yeah i used to fill my notez for a veiled face..and wen i found you..i got tat character of my play
    it was somthinn to be part of dustbin soon..
    but wen you ..view thoze they become worth meaning
    ..thankyou for cummin into my lyf
    so wat ..we are never kloze by physic
    but ..every wordz..and my soul dedication is you
    i love you..

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>